2024 steet ganz am Zeeche vum 10-järege Bestoe vun Aide Philippines. Fir dëse wichtege Meilesteen ze feieren, organiséiere mir en Charity Dinner. Et wäert en Owend sinn, un deem mir dat lescht Jorzéngt Revue passéiere loossen an eis Ufäng, Erausfuerderungen an Erfarungen mateneen deelen. Den Charity-Dinner ass net just eng Geleeënheet, eisen Erfolleg ze feieren an iwwert zukünfteg Projeten ze schwätzen, mee och e grousse Merci un all déi, déi Aide Philippines ënnerstëtzt hunn.
Rendez-vous
24. Februar 2024, 19:30
Centre culturel Nic Bosseler
Dress code
Tenue de fête/Smart casual
Ticketen
Dir kënnt är Ticketen am Viraus per Bankiwwerweisung bezuelen.
Aide Philippines
IBAN: LU91 0030 5776 5958 0000
BIC: BGLLULL
Urees
Centre Culturel Nic Bosseler
3, Huewelerstrooss
L-8521 Biekerech
Mam Bus
De Busarrêt Biekerech, Bei Schmatten befënnt sech direkt vis-a-vis vum Zenter a gëtt vun de Linnen 904, 942 an 933 zerwéiert.
De leschte Bus fiert sonndes um 00:06 Auer Richtung Stäreplaz.
Mam Auto
Am Raum vu Biekerech ginn et e puer Parkingen, déi dir notze kënnt.
Accueil
Wann dir ukommt, kënnt dir iech beim Accueil umellen. Hei stinn är Tickete fir iech bereet an dir kënnt och nach d’Entrée bezuelen, wann dir dat nach net gemaach hutt. Et ka mat Euro a Beki bezuelt ginn. Dir kënnt iech ären Ticket fräi wielen. Dat ass wichteg fir d’Verlousung, well är Ticketsnummer ass och gläichzäiteg är Lousnummer.
Am Sall gëtt et keng fix Sëtzuerdnung. Dir kënnt iech also sëtzen, wéi der wëllt. Allerdéngs si vereenzelt Dëscher reservéiert, wat dann op der Plaz markéiert ass.
Menü-Highlights
Fir eis kulinaresch Rees schaffe mir dës Kéier mat enger Rei Partner zesummen, déi alleguer Expert an hirem eegene Gebitt sinn. De renomméierten Traiteur Steffen vu Stengefort zerwéiert eis en aussergewéinleche Buffet. Den Dessert kënnt vum Haus Oberweis. Eng Auswiel u Wäiner, déi eise Menü ergänzen, gouf vu Caves Vinel zesummegestallt. Doriwwer eraus gi mir ënnerstëtzt vu Studente vun der Hotelschoul.
Entrée
Déclinaison de tartares authentiques
Atelier Toscan
Ateliers chauds
Boeuf Wellington revisité en confit
Ratatouille aux légumes de saison
Ballotine de volaille farcie aux champignons
Lasagne végétarienne
Den Här Frank Steffen offréiert eis zousätzlech:
Pizza végétarienne, roquette et parmesan
Dessert
Iwwerraschung vun Oberweis
Programm: e klengen Teaser
Eng besonnesch Attraktioun waart schonn direkt virun der Dier op iech a bréngt eis mat engem Spektakel an déi richteg Stëmmung. Mir schloen eng interkulturell Bréck op de philippinneschen Archipel. Eis engagéiert Schüler vum Fieldgen bréngen iech de Projet FieldgenGoesSolar méi no a stellen iech eis Pläng fir déi nächst zwee Joer vir. Zesumme mat eisem Partner MiiR.concepts presentéiere mir iech ee spannende Projet, deen en neit Kapitel fir eis Associatioun opmaache wäert.
Musikalesch gëtt den Owend begleet vum Georges Liesch an dem Lex Gillen.
Um Enn vum Owend wäert d’Verlousung vun de Präisser stattfannen, déi eis Sponsoren eis frëndlecherweis zur Verfügung stellen. Ären Ticket gëllt dobäi automatesch als Lous.
