Kaumahan Festival

wou d'Gemeinschaft gefeiert gëtt

Iwwert den Event

Kaumahan ass Cebuano an heescht "Feld". Eise Music and Food Festival fënnt am idylleschen Hitten statt. Mir wëllen iech gudden Entertainment bidden a gläichzäiteg op Nohaltegkeet setzen.

Entdeckt eis selwergemeete philippinnesch Spezialitéiten, probéiert eis Crêpen an erfreet iech un eise wonnerbare Museksgäscht. Ma verbréngt virun allem eng flott Zäit mat Frënn a Famill. Schliisslech geet et beim Kaumahan ëm Gemeinschaft!

D'Entrée fir de Festival ass gratis. Den Erléis kënnt eise Projeten zegutt.

Ëffnungszäiten 2024

Samschden 17/08
11:00 – Open End
(fräi Nuecht)

Sonnden 18/08
10:30 – 20:00

Lokalitéit

9, Arelerstrooss
L-8539 Huttange

Highlights

Live Entertainment

Optrëtter vun der Schweecherdauler a Biekerecher Musik, Mockingbirds and Friends, a WA-TA TOUILLE

Selwergemeete philippinnesch Spezialitéiten

souwéi eng Auswiel u lokale Platen an Desserten

Kanneranimatioun

mat engem spezielle Sprang-Mähdrescher

Montgolfière

bei gudde Wiederkonditiounen

Sonndesmass

Am Kader vum 10-järege Bestoe vun Aide Philippines an dem Asaz fir d’Gemeinschaft organiséiere mir eng speziell Sonndesmass an der Sigismundkapell zu Hitten. D’Kapell gouf rezent an Zesummenaarbecht mat de Biekerecher Millepätteren an der Gemeng Biekerech renovéiert. D’Mass wäert och per Livestream iwwerdroe ginn.

PROGRAMM

LIVESTREAM

Ëffentlechen Transport

De Busarrêt Huttange (Hitten) befënnt sech direkt um Site a gëtt vun der Linn 933 (Miersch-Sëll-Uewerpallen) zerwéiert, déi Hitten mat Biekerech an Näerden verbënnt. Plangt ären Trajet iwwer mobiliteit.lu.

Vëlo

De Site ass u regional an national Vëlosweeër ugebonnen.
Kuckt d'Kaart op geoportail.lu fir méi Detailer.

Auto

Dir kënnt ee vun eisen 2 Parkinge benotzen, wann dir iwwer Näerden oder Biekerech kommt.

Green Event

De Kaumahan Festival hëlt un der Green Events Initiativ deel. Mir erfëllen d'Krittäre fir Nohalteg Evenementer, déi vum Ministère fir Ëmwelt, Klima a Biodiversitéit festgeluecht goufen. Sou zéie mir zum Beispill regional Produiten a Bio-Liewensmëttel erun. Fir Eewee-Offall esou vill wéi méiglech ze vermeiden, setze mir op Méiwee-Geschier, dat mathëllef vum Spullweenchen gewäsch gëtt. Mir bidden och eng Refill-Statioun un, wou dir är Waasserfläschen opfëlle kënnt.

Mir recommandéieren eise Gäscht, ëmweltbewosst ze handelen a sech un der Initiativ ze bedeelegen. Benotzt zum Beispill waméiglech den Ëffentlechen Transport oder aner ëmweltfrëndlech Verkéiersmëttel fir op de Festival ze kommen a recycléiert ären Offall esou wéi um Event ausgezeechent.

MÉI GEWUER GINN

ËNNERSTËTZT DUERCH

Aide Philippines