Kaumahan Festival hëlt un der Green Events Initiativ deel. Mir erfëllen d’Krittäre fir Nohalteg Evenementer, déi vum Ministère fir Ëmwelt, Klima a Biodiversitéit festgeluecht goufen. Hei sinn e puer Mesuren, déi mir ëmsetzen:
-
- Mir offréiere vegetaresch Platen.
- Mir zéie regional Produiten, souwéi Liewensmëttel mat Bio- a Fairtrade-Label erun.
- Mir vermeiden Eewee-Verpackungen an Offall esou vill wéi méiglech, souwuel hannert dem Comptoir wéi virdrun.
- Mir setzen op Méiwee-Geschier, dat mathëllef vum Spullweenchen ëmweltschounend gewäsch gëtt.
- Mir setze keng Stréihällem an – ausser dir frot dono.
- Mir bidden eng Refill-Statioun un, wou dir är Waasserfläschen opfëlle kënnt.
Mir recommandéieren eise Gäscht ëmweltbewosst ze handelen a sech un der Initiativ ze bedeelegen. Hei sinn e puer Beispiller, wéi dir dobäi hëllefe kënnt:
-
- Benotzt waméiglech den Ëffentlechen Transport oder aner ëmweltfrëndlech Verkéiersmëttel, fir op de Festival ze kommen. De Busarrêt Huttange (Hitten) befënnt sech direkt um Site a gëtt vun der Linn 933 zerwéiert, déi Hitten mat Biekerech an Näerden verbënnt. Plangt ären Trajet iwwer mobiliteit.lu. De Site ass och u regional an national Vëlosweeër ugebonnen.
- Wann dir plangt, Iesswuere mat heem ze huelen, bréngt är eege Këschte mat. Mir fëllen iech déi gären op.
- Maacht den Tri bei de Poubellen esou wéi et um Site ausgezeechent ass.
Weider Informatiounen iwwert d’Green Events Initiativ fannt dir um offiziellen Internetsite.
