An Zesummenaarbecht mat eise staarke Partner École Privée Fieldgen a Cebu Technological University brénge mir Liicht an d'Haiser vu Famillen an Nout a verbesseren hir Liewensqualitéit mathëllef vu klenge Solaranlagen.

Zesumme mat MiiR.concepts an TESDA leeë mir d'Fundament fir e Formatiounszenter op der Insel Cebu, wou mir spezialiséiert Ausbildungsprogrammer ubidde wäerten.

Oft kënne Famillen et sech net leeschten, hir Kanner an d'Schoul ze schécken, wat ville Leit e schwéiere Start an d'Liewe bereet. Dofir bidde mir Stipendie fir bedierfteg Schüler a Studenten un.

Medezinesch Behandlunge kënne schnell immens héich finanziell Belaaschtunge mat sech bréngen, sou datt Betraffener dacks keng aner Méiglechkeet hunn, wéi hire schlechte Gesondheetszoustand schleefen ze loossen. Mat eisem neiste medezinesche Projet hëllefe mir eise Beneficiairen, hir Vue nees hierzstellen oder ze verbesseren.

An der philippinnescher Kultur bezeechent Bayanihan e Gefill vu Gemeinschaftssënn a Solidaritéit, ganz besonnesch an Noutsituatiounen. Dëst Konzept huet hiren Ursprong an der Praxis, Famille beim Plënneren ze hëllefen, andeems d'Communautéit wuertwiertlech zesumme kënnt an d'Haus op eng aner Plaz dréit.

Eis Wunnengsbauinitiativ fokusséiert sech op d'Konstruktioun vu stabillen Haiser an Infrastrukturen, déi extreme Wiederkonditiounen trotzen.